CALENDARIO LUNAR

Agora que estamos a estudar a lúa e as súas fases, no lateral dereito do blog aparacerá a partir de agora o calendario lunar correspondente, neste caso ao mes de Marzo. Así poderemos observar cada día como se atopa a lúa.

CANCIÓN DOS PLANETAS EN LSE

Xa temos unha nova canción signada por Irene e David que estamos a aprender no cole.

AGORA A PRACTICAR NA CASA FAMILIA!!!!!

LIBRO LIM DO SISTEMA SOLAR

Clica na seguinte imaxe para acceder á biblioteca de actividades Lim onde poderedes atopar unha chea de actividades interactivas coas que podedes xogar e aprender na casa.

O primeiro libro LIM, o do sistema solar, e co que estamos traballando estes días na clase.

SAÍDA Á CASA DAS CIENCIAS

Descubrir nun contexto distinto á escola, a cantidade de cousas que temos aprendido é fascinante. Iso foi o que os nenos e nenas de 4 anos comprobaron no planetario da casa das Ciencias en Coruña onde "Fugaz", unha estrela animada, nos ía presentado nunha cúpula que facía as veces de ceo, as estrelas, as constelacións, o sol, a lúa, os planetas. Á seguridade coa que respondían ás preguntas de "Fugaz" da idea do moito que xa teñen aprendido. Unha mágoa non poder ofrecer o vídeo ao estar a sala a oscuras.

Unha vez rematada a proxección visitamos a planta 1ª da Casa das Ciencias onde poideron experimentar coa luz, co son, co movemento...a través de diversas experiencias interactivas nas que a ciencia e o xogo van da man.

E xa para rematar, comprobamos, na entrada ao museo, cantas barras tirara o "péndulo de foucault" dende que entramos, e se saira algún poliño dos ovos que se atopan na incubadora.

Unha interesante e máis que aproveitada xornada que seguro podedes repetir cos vosos fillos/as en futuras visitas a Coruña.

RECUNCHO DO UNIVERSO

Comenzamos a facer o noso recuncho do universo onde iremos plasmando todo o que imos aprendendo e as aportacións que xa están a facer as familias dende a casa: libros, contos, manualidades, fotos, curiosidades... A medida que vaiamos avanzando na temática irá medrando e cambiando.

CANCIÓN DOS PLANETAS

LAS ESTRELLAS

LA ESTRELLA AZUL DE MIRÓ