FELICES FESTAS

BO NADAL

FELIZ NAVIDAD

MERRY CHRISTMAS

 

NADAL 2019

NON MERQUES ADOPTA !!!

VISITA DE PLUTO E LÚA

Pluto non ten ollos e Lúa un corazón enorme. Unha parella adorable que onte visitaron aos nenos e nenas de Infantil.

Grazas aos dous por esta bonita experiencia que emociona e invita á reflexión.

ADOPCIÓNS CHEAS DE EMOCIÓNS

AGASALLOS PARA O REFUXO DE BANDO

Xa temos listos os xoguetes para os animais do Refuxo de Bando.

Eles tamén queren xogar

FORMAS XEÓMETRICAS

No seguinte vídeo podedes ver un anaco de cómo, a partir da proposta dunha actividade (e das pequenas pistas que vou dando) e a través da curiosidade, da experimentación, do descubrimento, do traballo en equipo, os nenos e nenas avanzan no seu pensamento matemático.

Partindo sempre do máis simple, do coñecido, chegan a metas que a eles mesmos lles sorprende. 

Neste caso partindo de figuras xeómetricas coñecidas i en plano, pasamos a outras máis complexas i en tres dimensións...  sempre a través do xogo como ferramenta motivadora.

CUMPREANOS DE LÍA

Un ano máis, o cumpreanos de Lía, avísanos de que xa queda pouquiño para o Nadal.

PARABÉNS LÍA!!!

DÍA DE CINE

A semana pasada desfrutamos dunha sesión de cine na sala Numax. Dentro do programa escolar "NUMAX na escola", asistimos ao visionado da peli: "Sopa de piedras y otro cuentos"

FANTÁSTICA EXPERIENCIA que seguro repetiremos nos vindeiros cursos.

25 NOVEMBRO. CONTRA A VIOLENCIA DE XÉNERO

A partir do conto "Enamorados", un conto que enternece o corazón, tanto polo seu texto como pola súa ilustración, os nenos e nenas aprenden que amar é cousa de sentimentos. Pero eses sentimentos só teñen sentido nunha dirección: a de facer feliz a quen se ama. 

No libro hai unha extraordinaria reflexión sobre o qué para os nenos e nenas estar namorados/as. Na clase, antes da lectura do libro, tamén falamos o que é para nós estar namorado/a.

"Enamorados": Rébecca Dautremer Ed.: Kóninos 

Analizamos cada unha das respostas e propuxen, igual que no libro, outras opcións:

Se pode estar namorado/a pero non casado?

Se pode estar namorado/a e non ter un bebé?

Dúas chicas poden estar enamoradas? E dous chicos?

Todas as familias teñen papá e mamá?

Se pode estar namorado/a e estar separado/a?

Estar namorado/a é para sempre?

Chegamos á conclusión de que todo iso era posible.O que non acababan de creer era que Ernesto, o protagonista do conto, poida estar namorado cando a súa actitude non fai feliz a Salomé.

A canción "La puerta violeta" de Rozalem, i esta interpretación en lingua de signos, encantou a nenos e nenas dende o primeiro momento. Escoitamos e analizamos a letra da canción onde un monstruo gris: grita, rompe, agarra, apreta... E, unha nena asustada debuxa unha porta violeta para poder correr, saltar e rir nun campo verde moi lonxe de alí.
Nós tamén fixemos unha porta violeta onde fumos poñendo todas aquelas palabras que tanto Salomé, a nena da canción e todos e todas nós queremos que formen parte dunha relación de amor. E todas as que non queremos, as deixamos fóra desa porta violeta.

VISITA DE ALUCHE

Este luns tivemos unha visita moi especial na nosa escola: ALUCHE, un can que estivo no Refuxo de Bando e que veu acompañado por Iris e Paula, dúas voluntarias que traballan no centro. Contáronnos cómo foi atopado Aluche, perdido na zona de San Lázaro, e o fraquiño e triste que estaba. Cómo unha das voluntarias decidiu levalo para a súa casa e darlle unha familia. Tamén nos falaron da importancia de adoptar en vez de mercar, e da responsabilidade de ter unha mascota e dos coidados que precisa.

Grazas ao Refuxo de Bando, A Iris, a Paula e a Aluche por esta bonita experiencia, pola labor que fan na protección e coidado dos animais e por concienciarnos da importancia da adopción.

NON MERQUES...ADOPTA

REFUXIO DE BANDO
CLICA NO ENLACE

MAGOSTO 2019

Alumnado de 3º A interpretando a obra de teatro "A castaña que reventou coa risa" en lingua de signos. 

FANTÁSTICO TRABALLO. NORABOA!!!!

VISITA Á BIBLIOTECA DO ENSANCHE

Onte visitamos a Biblioteca do Centro Sociocultural do Ensanche na Rúa Frei Rosendo Salvado nº 16. 

É unha biblioteca mooooooooi bonita cun montón de libros. Temos unha zona para menores de 8 anos que foi a que máis nos gustou con cadeiras, sillas e unha moqueta para podernos deitar no chan.

Como case tod@s temos xa 4 anos, contáronnos como podemos facernos soci@s para poder levar libros a casa (ata 3 contos durante 15 días). Tamén nos contaron que podemos ir de visita cos nosos pais e nais e ler alí os contos que queiramos. 

A encargada da biblioteca leunos 2 contos moi chulos e dounos unha medalla imaxinaria por ser os nenos e as nenas que mellor se portaron do mundo mundial. E así viñeron as profes tan orgullosas do seu alumnado que nunca defrauda nas visitas que facemos.

CSC ENSANCHE

clica no enlace para acceder á paxina web

Ademáis de todo isto, tódolos martes ás seis e media da tarde, podemos ir a escoitar os contacontos que organizan para os máis pequen@s da casa.

VERDADE QUE MOLA MOITO ESTA BIBLIOTECA????

CUMPREANOS DE BEÑAT E MARTÍN

Mesmo día, mesmo ano Beñat e Martín sempre cumprirán anos.

PARABÉNS BEÑAT, PARABÉNS MARTÍN

XA TEMOS 4!!!!!!

SAMAÍN 2019

PREPARANDO A SAMAÍN

ENCHENDO O NOSO CORREDOR DE MONSTROS TERRORÍFICOOOOOOOS