SIMULACRO DE INCENDIOS E VISITA DOS BOMBEIROS

 O venres tivemos unha visita moi especial. 

Todos e todas sabiamos o que tiñamos que facer cando soase unha sirena distinta do timbre que soa tódolos días no cole. Para non asustar ao alumnado disfracei a actividade , pero iso non evitou que algún e algunha sentiran algo de medo e buscaran o acougo nunha aperta.

Só se trataba do simulacro de incendios que soemos facer tódolos anos dentro do plan de emerxencias do centro e que os maís pequen@s aínda descoñecen.

Todo foi perfecto e saíu todo como era de esperar, dando o alumnado máis cativo todo un exemplo para todos e todas.

A sorpresa da espera foi ver chegar aos camións de bombeiros coas suas luces e sirenas e ver como desplegaban a súa escada ata o máis alto do noso cole.

SIMULACRO DE INCENDIOS

O mércores pasado tivo lugar un simulacro de incendios no colexio.

Os nenos e nenas sabían que un día desa semana xogaría todo o colexio ao "Xogo dos bombeiros", así lle chamamos na clase para tentar non asustar aos nenos e nenas. Sabiamos o que tiñamos que facer no caso de que soase unha sirena distinta a que soa tódolos días na entrada e saída do cole.

Nese intre estaban coa profesora Natalia i eu esperei no patio dos maiores ata que sairon perfectamente en fila, sen correr como tiñamos previsto.

O certo é que todo o alumnado e profesorado fixoo xenial e o premio final foi a chegada dos bombeiros facendo soar a súa sirena.

Grazas aos bombeiros de Santiago por achegarse aos máis pequenos co mellor dos seus sorrisos.